extinct animals

Saronin Rojavaam Lyrics || சரோனின் ரோஜாவாம் என் திவ்விய நேசரே || Tamil Christian Song

https://www.youtube.com/watch?v=izYTxUEfSKU

சரோனின் ரோஜாவாம் என் திவ்விய நேசரே

என் சொந்தம் நீர் தான் அல்லவோ  2

உம்மைப்போல் நேசிக்க யாருண்டு பூவினில்

நன்றியால் நிறைந்துள்ளம் பாடுவேன்  2

வனாந்தரத்திலே என் வழியாய் வந்தீர்

வான்திறந்து ஆசிர் நல்கினீரே 2

பின்னானவைகளை மறந்து

முன்னானவைகளை தொடர்வேன் 2

தீங்கு நாளில் என்னை கூடாரத்தில்

மறைத்து கிருபையாய் காத்தீறன்றோ 2

கன்மலையாய் உம்மில் மறைந்து

நன் செயலை என்றும் கூறுவேன் 2

அக்கினி சோதனை வந்த வேலை

சிநேகத்தின் தழல் என்னில் எரியசெய்தீர் 2

துரோகத்தால் வாடிய வேலை

வார்த்தையால் சுகமதை ஈந்தீனிரே 2

பரிசுத்த ஆவியால் நிறைத்து என்னையே

பரிசுத்த ஆலயம் ஆக்கினீரே 2

பரிசுத்தர் உம்மைப்போல் ஜீவிக்க

பரிசுத்த உபதேசம் நள்கினீர் 2

குற்றம் குறை யாவும் போக்கிடுவீர்

முற்றும் என்னை மாற்றும் உம்சாயலாய் 2

என்னில் நீர் வெளிப்படும் வேலை

முக முகமாய் உம்மை காணுவேன் 2

சிலுவை மட்டும் உம்மை தாழ்த்தீனீர்

சிலுவை மட்டும் உம்மை தாழ்த்தீனீர்
சிங்காசனம் வரை என்னை உயர்த்தினீர் -2
சுயநலமில்லா சிலுவையின் அன்பு
கல் மனம் கரைத்திடுதே -2

 முள்முடி சிரசினில் சூடியே
உம்மையே தரித்திரராக்கினீர் -2
எந்தன் சாபம் எல்லாம் நீக்கி
என்னை உயர்த்தினீரே -2  - (சிலுவை மட்டும்)

 பாடுகள் நீர் எனக்காய் சகித்து
உம்  இரத்தம் எல்லாம் நீர் சிந்தினீர் -2
எந்தன் பாவம் எல்லாம் போக்கி
என்னை இரட்சித்தீரே -2 - (சிலுவை மட்டும்)

சிலுவையை நீர் எனக்காய் சுமந்து
தழும்புகளை நீர் எனக்காய் தரித்தீர் -2
என் பலவீனம் எல்லாம் மாற்றி
என்னை வாழ்வித்தீரே -2  - (சிலுவை மட்டும்)

அழகானவரே அலங்கோலமானீரே எனக்காக

அழகானவரே அலங்கோலமானீரே எனக்காக
அழகானவரே அலங்கோலமானீரே எனக்காக
குருத்தானவரே குருதியற்றீரே எனக்காக
குருத்தானவரே குருதியற்றீரே எனக்காக
உம் அன்பிற்கு ஈடே இல்லை
உம் பாசத்திற்கு அளவே இல்லை
இதற்கு ஈடாய் நான் என்ன செய்வேன்
உம் அன்பை சொல்வேன்
உலகெங்கும் சொல்வேன்
உம் அன்பை சொல்வேன்
உலகெங்கும் சொல்வேன்

1.என் பாவ சிந்தையால் அன்றோ
உம் சிரசில் முள்மூடி
என் பாவ பாதையால் அன்றோ
உம் பாதத்தில் ஆணிகள்
இயேசுவே என்னை மன்னியும்
இயேசுவே என்னை மன்னியும் -
அழகானவரே அலங்கோலமானீரே எனக்காக அப்பா

2. என் பாவ செய்கையால் அன்றோ
உம் கைகளில் ஆணிகள்
என் பாவ இதயத்தால் அன்றோ
உம் விலாவில் ஈட்டி
இயேசுவே என்னை மன்னியும்
இயேசுவே என்னை மன்னியும்

சிலுவை அன்பை உணராயோ

சிலுவை அன்பை உணராயோ                 
இயேசுவின் பாடுகள் அறியாயோ       
நல் மீட்பர் உன் பாவம் நீக்கி சுத்திகரிக்க
மரித்தார் நீ ஓடி வாராயோ

ஓடி வா உன் நேசரண்டையே   
பாவம் தீர்க்கும் ஊற்றண்டையே
போக்குவார் உன் பாவக்கறையை
அளிப்பார் சமாதானத்தை

நீ சீர் கெட்டு போனதினாலே       
பாவ ரோகங்கள் சாபங்களும் சூழ்ந்ததே
யாவும் தன்னில் சுமந்தே உன்னை ஆசிர்வத்தித்தார்
மரித்தார் நீ ஓடி வாராயோ – ஓடி வா

இரத்த காயங்களும் குத்துகளும் நிறைந்து     
முள்முடியும் சிரசினில் அரைந்து 
கை கால்கள் கூர் ஆணிகளால் அடிக்கப்பட்டு
மரித்தார் நீ ஓடி வாராயோ – ஓடி வா

சிலுவை அன்பை உணர்ந்தேனே         
இயேசுவின் பாடுகள் அறிந்தேனே 
நல் மீட்பர் உன் பாவம் நீக்கி சுத்திகரிக்க
மரித்தார் நீ ஓடி வந்தேனே...ஓடி வா

ஓடி வந்தேனே என்  நேசரண்டையே           
பாவம் தீர்க்கும் ஊற்றின்னண்டையே
போக்கினார்  என் பாவக்கறையை
அளித்தார்  சமாதானத்தையே

இவர்களுக்கு மன்னியும்!

"அப்பொழுது இயேசு: பிதாவே, இவர்களுக்கு மன்னியும், தாங்கள் செய்கிறது இன்னதென்று அறியாதிருக்கிறார்களே என்றார்" (லூக்கா 23:34).

இயேசு சிலுவையிலே அவமானப்படுத்தப்பட்டு, காயப்படுத்தப்பட்டு, மரணத்திற்கு ஒப்புக்கொடுக்கப்பட்டு, ஜீவனை இழக்கும் தருவாயிலும், "பிதாவே இவர்களுக்கு மன்னியும்" என்று மன்றாடினார். மிகக்கடினமான சூழ்நிலையிலும், வேதனைகளுக்கு மத்தியிலும் அதற்குக் காரணமானவர்களை மன்னிக்கும் சுபாவம், இயேசுகிறிஸ்துவை மேன்மையடையச் செய்தது.

சில சமயங்களில், உங்களுக்கு மற்றவர்களைப் பழிக்குப்பழி வாங்கும் எண்ணமும், தீமைக்குத் தீமை செய்யும் நினைவுமே மேலோங்கி நிற்கும். இது மனித சுபாவம் தான். ஆனாலும், இயேசுகிறிஸ்து மனித ரூபமெடுத்து சிலுவையில் மரிக்கும்போது, பகைவர்களை மன்னிக்கும் முன்மாதிரியை உங்களுக்குக் காண்பித்தார்.

உங்களில் அன்பு கூருவதற்காக, இயேசுகிறிஸ்து இந்த உலகத்தில் பிறந்தார். அவர் மரணத் தருவாயிலும், மன்னிக்கும் சுபாவமுள்ளவராகவே காணப்பட்டார். இது, அவர் விட்டுச் சென்ற அடிச்சுவடு. உங்களில் அது பிரதிபலிக்கும்படியாக, அவர் காட்டிய பாதை. நீங்கள் அதற்கூடாக நடந்து செல்லுகிறீர்களா? அல்லது அதை விட்டு வழி விலகிச் செல்லுகிறீர்களா?

இயேசுகிறிஸ்து ஒருவரே, உங்கள் பாவங்களை மன்னிக்கிறவர். அவரின் நாமத்தினிமித்தம், உங்கள் பாவங்கள் மன்னிக்கப்படுகின்றன. ஏனெனில் எல்லா நாமங்களுக்கும் மேலான நாமம் கிறிஸ்துவின் நாமம். "இரத்தஞ்சிந்துதலில்லாமல் மன்னிப்பு உண்டாகாது" (எபி. 9:22).

உங்கள் வாழ்வில் ஏற்படும் தவறுகளிலும் உங்களுக்கு மன்னிப்பு அவசியமாய் இருக்கிறது. அது உங்கள் குடும்ப வாழ்க்கையானாலும் சரி, வேலை இடங்களானாலும் சரி, உறவினர் மத்தியிலும், நண்பர்களுக்கிடையேயானாலும் சரி, உங்கள் தவறுகளை நீங்கள் உணர்ந்து மனந்திரும்பும்போது, கர்த்தர் உங்களை மன்னித்து ஆசீர்வதிப்பார்.

"குற்றத்தை மன்னிப்பது அவனுக்கு மகிமை" என்று நீதி. 19:11 சொல்லுகிறது. நீங்கள் மற்றவர்களை மன்னிக்கும்போது, இயேசுகிறிஸ்து உங்கள் குற்றங்களை மன்னித்து, பரலோகத்தை நீங்கள் சுதந்தரிக்கும்படிச் செய்வார்.

"மனுஷனுடைய தப்பிதங்களை நீங்கள் அவர்களுக்கு மன்னித்தால், உங்கள் பரமபிதா உங்களுக்கும் மன்னிப்பார். மனுஷருடைய தப்பிதங்களை நீங்கள் அவர்களுக்கு மன்னியாதிருந்தால், உங்கள் பிதா உங்கள் தப்பிதங்களையும் மன்னியாதிருப்பார்." (மத். 6:14,15).

தேவபிள்ளைகளே, மற்றவர்கள் உங்களுக்கு எதிராக செய்கிற தவறுகளை நீங்கள் மன்னித்து மறந்துவிடவேண்டும். அதின் கசப்பு, அடிமனதினில் வேரூன்றி ஆழமாய் பதிய விடவேக் கூடாது. உங்களுக்குள் எப்படிப்பட்ட சுபாவங்கள் உண்டு? மற்றவர்கள் செய்த குற்றங்கள், தவறுகள், பிழைகளை மன்னிக்கிறவர்களாக இருக்கிறீர்களா?

நினைவிற்கு :- "நீங்கள் நின்று ஜெபம்பண்ணும்போது, ஒருவன் பேரில் உங்களுக்கு யாதொரு குறை உண்டாயிருக்குமானால், பரலோகத்திலிருக்கிற உங்கள் பிதா உங்கள் தப்பிதங்களை உங்களுக்கு மன்னிக்கும்படி, அந்தக் குறையை அவனுக்கு மன்னியுங்கள். நீங்கள் மன்னியாதிருப்பீர்களானால், பரலோகத்திலிருக்கிற உங்கள் பிதாவும் உங்கள் தப்பிதங்களை மன்னியாதிருப்பார்" (மாற்கு 11:25,26). 

சோர்ந்து போகாதே மனமே

"பூமியின் கடையாந்தரங்களைச் சிருஷ்டித்த கர்த்தராகிய அநாதிதேவன் சோர்ந்துபோவதுமில்லை, இளைப்படைவதுமில்லை; இதை நீ அறியாயோ? இதை நீ கேட்டதில்லையோ? அவருடைய புத்தி ஆராய்ந்து முடியாதது. சோர்ந்துபோகிறவனுக்கு அவர் பெலன் கொடுத்து, சத்துவமில்லாதவனுக்குச் சத்துவத்தைப் பெருகப் பண்ணுகிறார்".
(ஏசாயா 40:28,29)

ஏசாயா தீர்கதரிசி கூறுகிறார், பூமியின் கடையாந்தரங்களைச் சிருஷ்டித்த கர்த்தராகிய அநாதிதேவன் சோர்ந்துபோவதுமில்லை, இளைப்படைவதுமில்லை சோர்ந்துபோகிறவனுக்கு அவர் பெலன் கொடுத்து, சத்துவமில்லாதவனுக்குச் சத்துவத்தைப் பெருகப்பண்ணுகிறார். இந்த நாட்களில் நாம் சோர்ந்து போகிறோமா? இளைஞர் இளைப்படைந்து சோர்ந்துபோவார்கள், வாலிபரும் இடறிவிழுவார்கள்.  கர்த்தருக்குக் காத்திருக்கிறவர்களோ புதுப்பெலன் அடைந்து, கழுகுகளைப்போலச் செட்டைகளை அடித்து எழும்புவார்கள்; அவர்கள் ஓடினாலும் இளைப்படையார்கள், நடந்தாலும் சோர்ந்துபோகார்கள். ஆம் கர்த்தருக்குக் காத்திருக்கிறவர்களோ புதுப்பெலன் அடைந்து, கழுகுகளைப்போலச் செட்டைகளை அடித்து எழும்புவார்கள்; அவர்கள் ஓடினாலும் இளைப்படையார்கள், நடந்தாலும் சோர்ந்துபோகார்கள்.
(ஏசாயா 40:30,31)

ஒருவேளை நாம் பலவித சந்தர்ப்பங்களில் சோர்ந்து போகலாம் தேவன் கூறுகிறார் சோர்ந்து போகாதே என்று சோர்ந்து போகிறவனுக்கு பெலன் கொடுக்கிற தேவன் நம்மோடு கூட உண்டு இந்த நாட்களில் நாம் சோர்ந்து காணப்படுகிறோமா? நாம் சோர்ந்து போவது தேவனுடைய விருப்பம் இல்லை மத்தேயு 15 ம் அதிகாரம் 32 ம் வசனத்தை படிக்கும் போது பின்பு, இயேசு தம்முடைய சீஷர்களை அழைத்து: ஜனங்களுக்காகப் பரிதபிக்கிறேன், இவர்கள் என்னிடத்தில் மூன்றுநாள் தங்கியிருந்து சாப்பிட ஒன்றுமில்லாதிருக்கிறார்கள்; இவர்களைப் பட்டினியாய் அனுப்பிவிட எனக்கு மனதில்லை, வழியில் சோர்ந்துபோவார்களே என்றார்.

ஆம்,
நாம் சோர்ந்து போவது நம் தேவனுக்கு பிரியம் இல்லாதகாரியம் நம்முடைய சோர்வுக்காக அவர் பரிதபிக்கிற கர்த்தராக இருக்கிறார்.
இந்த நாட்களில் சோர்ந்து போகாதே எதற்காக சோர்வு?

எலியா தீர்க்கதரிசி தன் ஊழியத்தில் சோர்ந்து போனபோது, தேவன் எத்தனை கரிசனையாய் அவரை உயிர்ப்பிக்கிறார்! எலியா வனாந்தரத்தில் ஒருநாள் பிரயாணம் போய், ஒரு சூரைச்செடியின் கீழ் உட்கார்ந்து, தான் சாகவேண்டும் என்று கோரி: போதும் கர்த்தாவே, என் ஆத்துமாவை எடுத்துக்கொள்ளும்; நான் என் பிதாக்களைப்பார்க்கிலும் நல்லவன் அல்ல என்று சொல்லி,  ஒரு சூரைச்செடியின்கீழ்ப் படுத்துக்கொண்டு நித்திரைபண்ணினான்; அப்பொழுது ஒரு தூதன் அவனைத் தட்டியெழுப்பி: எழுந்திருந்து போஜனம்பண்ணு என்றான்
(1 இராஜாக்கள் 19:4,5).

இது போன்ற சூழ்நிலைகளில் நாமும் கூட அடிக்கடி கடந்து சென்றிருக்கிறோம் அல்லவா?

வாழ்க்கையிலும் ஊழியத்திலும் வருகிற பாடுகளை கண்டு, நம்முடைய ஜீவிததில் பாடுகளை கண்டு 'போதும் ஆண்டவரே, என் ஆத்துமாவை எடுத்து கொள்ளும். நான் என் பிதாக்களை பார்க்கிலும் நல்லவன் அல்ல' என நம் உள் மனதும் சொல்வதுண்டு. நாம் ஊழிய பாதையில் படும் சில பாடுகள் நம்மை அத்தனையாய் நினைக்கவும், போதும் இந்த ஊழியம் என்று சொல்லவும் வைத்தாலும் நம்மை அழைத்த கர்த்தர் நம்மை ஒருபோதும் கைவிடமாட்டார் என்கிற நம்பிக்கை நமக்கு எப்போதும் இருக்க வேண்டும். உங்களுடைய தாலந்துகளை கர்த்தருக்கென்று இன்னும் வைராக்கியமாக உபபோயகப்படுத்துங்கள்! இன்னும் கர்த்தருக்கென்று வைராக்கியமாய் உழையுங்கள். சோர்வுகளை கண்டு மனம் தளர்ந்து போகாதிருங்கள். இயேசு கிறிஸ்து நம்மோடு இருக்கின்றார்.!.

#ஆமென்.!. #அல்லேலுயா.!!.

வருஷத்தை நன்மையால் முடிசூட்டும் || Varushathai nanmaiyaal mudisootum

G-Major---4/4---Ballad---Tempo-120 வருஷத்தை நன்மையால் முடிசூட்டும் தெய்வமே வற்றாத கிருபைகளால் என்னை என்றும் நடத்திடுமே-2 தடைப்பட்ட நன்மைகள் இந்த ஆண்டு நடந்திடுமே அடைக்கப்பட்ட கதவுகள் எல்லாம் இந்த ஆண்டு திறந்திடுமே-2 மகிமை மேல் மகிமை என்னை மறுரூபம் ஆக்கும் மகிமை-2 எந்தன் வாழ்வை மாற்றிடும் மாறாத உந்தன் மகிமை-2 அவர் தமது ஐஸ்வர்யத்தால் என் குறைவை நிறைவாய் மாற்றி-2 என் வாயை நன்மையால் திருப்தி ஆக்கும் நல்ல வருஷம்-2 மகிமை மேல் மகிமை என்னை மறுரூபம் ஆக்கும் மகிமை-2 எந்தன் வாழ்வை மாற்றிடும் மாறாத உந்தன் மகிமை-2 அவர் எனக்காய் சிலுவைதனிலே அனைத்தையும் செய்து முடித்தார்-2 அவர் எனக்காய் சொன்னதை நிச்சயமாய் (நிச்சயமாக) செய்து முடிப்பார்-2 மகிமை மேல் மகிமை என்னை மறுரூபம் ஆக்கும் மகிமை-2 எந்தன் வாழ்வை மாற்றிடும் மாறாத உந்தன் மகிமை-2 வருஷத்தை நன்மையால் முடிசூட்டும் தெய்வமே வற்றாத கிருபைகளால் என்னை என்றும் நடத்திடுமே-2 தடைப்பட்ட நன்மைகள் இந்த ஆண்டு நடந்திடுமே அடைக்கப்பட்ட கதவுகள் எல்லாம் இந்த ஆண்டு திறந்திடுமே-2 மகிமை மேல் மகிமை என்னை மறுரூபம் ஆக்கும் மகிமை-2 எந்தன் வாழ்வை மாற்றிடும் மாறாத உந்தன் மகிமை-2- (2) Varushathai nanmaiyaal mudisootum deivamae Vatraadha kirubaigalal ennai endrum nadathidumae-2 Thadaipatta nanmaigal indha aandu nadandhidumae Adaikapatta kadhavugal ellam indha aandu thirandhidumae -2 Magimai mel magimai ennai marurubam aakum magimai-2 Endhan vazhvai maatridum maaraadha unthan magimai-2 1.Avar thamadhu aiswaryathal En kuraivai niraivaai maatri-2 En vaayai nanmaiyaal Thripthi aakum nalla varusham-2 Magimai mel magimai ennai marurubam aakum magimai-2 Endhan vazhvai maatridum maaraadha unthan magimai-2 2. Avar enakaai siluvaidhanilae Anaithayum seidhu mudithaar-2 Avar enakaai sonnadhai Nichayamai (Nichayamaga) seidhu mudipaar-2 Magimai mel magimai ennai marurubam aakum magimai-2 Endhan vazhvai maatridum maaraadha unthan magimai-2 Varushathai nanmaiyaal mudisootum deivamae Vatraadha kirubaigalal ennai endrum nadathidumae-2 Thadaipatta nanmaigal indha aandu nadandhidumae Adaikapatta kadhavugal ellam indha aandu thirandhidumae -2 Magimai mel magimai ennai marurubam aakum magimai-2 Endhan vazhvai maatridum maaraadha unthan magimai-2-(2) Chords: G-Major G வருஷத்தை நன்மையால் முடிசூட்டும் தெய்வமே G வற்றாத கிருபைகளால் என்னை என்றும் நடத்திடுமே-2 D C தடைப்பட்ட நன்மைகள் இந்த ஆண்டு நடந்திடுமே D C (G) அடைக்கப்பட்ட கதவுகள் எல்லாம் இந்த ஆண்டு திறந்திடுமே-2 G Am G(Bm) C மகிமை மேல் மகிமை என்னை மறுரூபம் ஆக்கும் மகிமை Am D Em Am(G) எந்தன் வாழ்வை மாற்றிடும் மாறாத உந்தன் மகிமை-2 G அவர் தமது ஐஸ்வர்யத்தால் G என் குறைவை நிறைவாய் மாற்றி-2 Am என் வாயை நன்மையால் (D) Em(G) திருப்தி ஆக்கும் நல்ல வருஷம்-2 G Am G(Bm) C மகிமை மேல் மகிமை என்னை மறுரூபம் ஆக்கும் மகிமை Am D Em Am(G) எந்தன் வாழ்வை மாற்றிடும் மாறாத உந்தன் மகிமை-2 G அவர் எனக்காய் சிலுவைதனிலே C(G) அனைத்தையும் செய்து முடித்தார்-2 Am அவர் எனக்காய் சொன்னதை D Em(G) Am நிச்சயமாய் (நிச்சயமாக) செய்து முடிப்பார்-2 G Am G(Bm) C மகிமை மேல் மகிமை என்னை மறுரூபம் ஆக்கும் மகிமை Am D Em Am(G) எந்தன் வாழ்வை மாற்றிடும் மாறாத உந்தன் மகிமை-2 G வருஷத்தை நன்மையால் முடிசூட்டும் தெய்வமே G வற்றாத கிருபைகளால் என்னை என்றும் நடத்திடுமே-2 D C தடைப்பட்ட நன்மைகள் இந்த ஆண்டு நடந்திடுமே D C (G) அடைக்கப்பட்ட கதவுகள் எல்லாம் இந்த ஆண்டு திறந்திடுமே-2 G Am G(Bm) C மகிமை மேல் மகிமை என்னை மறுரூபம் ஆக்கும் மகிமை Am D Em Am(G) எந்தன் வாழ்வை மாற்றிடும் மாறாத உந்தன் மகிமை-2-(2)

Show less

வயிற்றுப் போக்கிற்கான நிவாரணம்

பொருளடக்கம் :

     முன்னுரை

     வரையறை

     காரணங்கள்

     அறிகுறிகள்

     பரிசோதனை முறைகள்

     சிகிச்சை முறை

     பின்விளைவுகள்

     தடுக்கும் முறைகள்

     முடிவுரை

வயிற்றுப் போக்கிற்கான நிவாரணம்

முன்னுரை :

     வயிற்று போக்கு (ஆ) நீர் வயிற்றுப் போக்கு என்பது

ஒரு நாளுக்கு மூன்று முறைக்கு மேலாக நீர்க்கலவையாக

மலம் உடலில் இருந்து வெளியேறுவது ஆகும். வைரஸ் (ஆ)

பாக்டிரியாவால் குடல் பகுதி புண்ணாகி லேசாக வீக்கம் அடைவது

வயிற்றுப் போக்கு உண்டாவதற்கான முக்கிய காரணம் ஆகும்.

வரையறை :

வயிற்றுப் போக்கு என்பது ஒரு நாளைக்கு மூன்று அல்லது அதற்க்கு

மேற்பட்ட முறை மலம் கழித்தலும் அல்லது நீர்ப்போக்காக மலம் கழித்தலும்

ஆகும்.

-    உலக சுகாதார இயக்கம் (WHO)

காரணங்கள் :

     சுகாதாரம் அற்ற வாழ்கை முறை

     சுற்றுசூழல் பாதுகாப்பற்ற / சுகாதாரமற்றநிலை

     திறந்த வெளியில் மலம் கழிப்பது

     மாசுபட்ட குடிநீர் பயன்பாடு

அறிகுறிகள் :

     நீர்ப் போக்குடன் கூடிய மலம்

     அடி வயிற்றில் வலி அல்லது வீக்கம்

     காய்ச்சல்

     மலத்துடன் இரத்தம் வெளியேறுதல்

     வயிறு எரிச்சலுடன் இருப்பது

பரிசோதனை முறைகள் :

     உடல் பரிசோதனை

     மலம் பரிசோதனை

     Stool Cultwrel test / மலம் ஆய்வு / ஆராய்ச்சிக்கான சோதனை

சிகிச்சை முறை :

     1 லிட்டர் காய்த்து வடிகட்டிய நீருடன் 2 தேக்கரண்டி சக்கரை மற்றும்

1 தேக்கரண்டி உப்பு, சிறிது எலுமிச்சை பழச்சாறு ஆகியவற்றை சேர்த்து

நன்கு கலக்கி குடிக்க வேண்டும்.

பின்விளைவுகள் :

     வாய் மற்றும் சருமம் வறட்சியாக இருப்பது

     குறைந்த அளவு சிறுநீர் வெளியேற்றம்

     அடிக்கடி தலைசுற்றுதல்

     அளவுக்கு அதிகமான தாகம்

தடுக்கும் முறைகள் :

     தனிநபர் சுகாதாரம்

     பாதுகாப்பான குடிநீர்

     கைகளை சுத்தமாக வைத்திருத்தல்

     சாலையில் விற்கும் தின்பாண்டன்களை  சாப்பிடுவதைத் தவிர்த்தல்

முடிவுரை :

     சுகாதார முறைகளை கையாளுவதன் மூலம் நாம் வயிற்றுப் போக்கு

உண்டாகாமல் தடுக்க முடியும். மேலும் மற்றவர்களுக்கு பரவாமல் பாதுகாக்க

முடியும்.

உம்மைத்தான் நான் பார்க்கின்றேன்

உம்மைத்தான் நான் பார்க்கின்றேன்
பிரகாசமடைகின்றேன்

அவமானம் அடைவதில்லை
அப்பா நான் உமது பிள்ளை -ஒருநாளும்

கண்கள் நீதிமானை பார்க்கின்றன
செவிகள் மன்றாட்டை கேட்கின்றன
இடுக்கண் நீக்கி விடுவுக்கின்றீர்
இறுதிவரை நீர் நடத்திச் செல்வீர் -அவமானம்

உடைந்த நொந்த உள்ளத்தோடு
கூடவே இருந்து பாதுகாக்கின்றீர்
அநேக துன்பங்கள் சேர்ந்து வந்தாலும்
அனைத்தினின்றும் நீர் விடுவிக்கின்றீர்

நல்லவர் இனியவர் என் ஆண்டவர்
நாளெல்லாம் சுவைத்து மகிழ்கின்றேன்
உண்மையாய்க் கர்த்தரைத் தேடும் எனக்கு
ஒரு நன்மையும் குறைவதில்லையே

கிருபையுள்ள கரங்கள்!

"தாம் மகிமைக்காக எத்தனமாக்கின கிருபாபாத்திரங்கள்மேல் தம்முடைய மகிமையின் ஐசுவரியத்தைத் தெரியப்படுத்தவும் சித்தமானார்" (ரோமர். 9:23).

கிருபையுள்ள தேவனின் கரங்கள், உங்கள் ஒவ்வொருவரையும் கிருபையின் பாத்திரங்களாகவே வனைகின்றன. கர்த்தரால் எரேமியாவுக்கு உண்டான வசனத்தைப் பாருங்கள். "நீ எழுந்து, குயவன் வீட்டிற்குப்போ; அங்கே என் வார்த்தைகளை உனக்குத் தெரிவிப்பேன்" என்றார். "அப்படியே நான் குயவன் வீட்டிற்குப் போனேன்; இதோ, அவன் திரிகையினாலே வனைந்துகொண்டிருந்தான். குயவன் வனைந்து கொண்டிருந்த மண்பாண்டம், அவன் கையிலே கெட்டுப்போயிற்று; அப்பொழுது அதைத் திருத்தமாய்ச் செய்யும்படிக்கு, தன் பார்வைக்குச் சரியாய்க் கண்டபடி குயவன் அதைத் திரும்ப வேறே பாண்டமாக வனைந்தான்" (எரே. 18:2-4).

குயவன், உடைந்து போன மண்பாண்டத்தை தூக்கியெறிந்து விடவில்லை. அதை மிகுந்த ஜாக்கிரதை யோடு, அதிலுள்ள கற்களையும், தூசிகளையும் நீக்கி விட்டு, மீண்டும் அதில் தண்ணீர் விட்டுக் குழைத்து, மறுபடியும் அதை வேறே பாண்டமாக உருவாக்கினான். அந்த மண்ணுக்கு அந்தக் குயவன் கிருபை செய்தபடியினாலே, தூர எறிந்துவிடாமல், அழகிய புதிய பாத்திரமாக உருவாக்கினான்.

பூமியிலிருந்து எடுக்கப்பட்ட மண்ணை, கர்த்தர் தம்முடைய சாயலின்படியேயும், தம்முடைய ரூபத்தின்படியேயும் வனைந்தார். ஆனால் அதுவோ கெட்டுப் போயிற்று. விலக்கின விருட்சத்தின் கனியைப் புசித்ததால், வஞ்சித்த சர்ப்பத்தைப் பார்த்து: "சகல நாட்டு மிருகங்களிலும், சகல காட்டு மிருகங்களிலும் சபிக்கப்பட்டிருப்பாய்" என்ற கர்த்தர், மனுஷனை "வேண்டாம்" என்று ஒதுக்கிவிடவில்லை. கல்வாரியின் இரத்தத்தை ஊற்றி, சிலுவையின் புண்ணியத்தினாலே மீண்டும் அவனை கனத்தினாலும், மகிமையினாலும் நிரப்பி, வனையச் சித்தமானார். அதுதான், "தேவனுடைய கிருபை."

ஆடுகளை மேய்த்துக் கொண்டிருந்த தாவீதை கர்த்தர் கண்டு, வனைந்து உருவாக்கி, இஸ்ரவேலின்மேல் ராஜாவாய் அபிஷேகம் பண்ணினார். ஆனால் அவரோ, அரண்மனை உப்பரிகையிலே உலாவி, விபச்சாரத்திலே விழுந்து, பத்சேபாளின் கணவனைக் கொலை செய்து, முடிவில் தேவ சாபத்திற்குள்ளானார். அப்போது தாவீது கர்த்தரிடத்தில், "தேவனே, உமது கிருபையின்படி எனக்கு இரங்கும்" என்று மன்றாடினார் (சங். 51:1). கர்த்தரோ கிருபையாகத் தம் கரத்தை நீட்டி, மீண்டும் அவரை வனைந்தார். தாவீதின் சந்ததியிலே, "இயேசுகிறிஸ்து" பிறக்கச் சித்தமானார்.

நீங்கள் ஒரு உடைந்த பாத்திரமாயிருக்கலாம். "நான் கண்ணீரின் பாத்திரமாய் வாழுகிறேனே" என்று கதறலாம். இதோ, கர்த்தர் மீண்டும் உங்களுக்குக் கிருபை பாராட்டி, உங்களை உருவாக்கச் சித்தமுள்ளவராயிருக்கிறார். "உம்முடைய கரங்கள் என்னை உண்டாக்கி, என்னை உருவாக்கிற்று; உம்முடைய கற்பனைகளைக் கற்றுக்கொள்ள என்னை உணர்வுள்ளவனாக்கும்" (சங். 119:73).

நகோமியினுடைய வாழ்க்கை உடைந்து போனபோது, கர்த்தர் மீண்டும் வனைந்து உருவாக்கவில்லையா? யோபுவுக்குக் கர்த்தர் கிருபை பாராட்டி, அவரை மீண்டும் உருவாக்கி, இரட்டிப்பான ஆசீர்வாதத்தைக் கொடுக்கவில்லையா? தேவபிள்ளைகளே, அப்படியே உங்களையும் வனைந்து உருவாக்கி, இரட்டிப்பான ஆசீர்வாதங்களைத் தந்தருளுவார்.

நினைவிற்கு :- "கர்த்தருடைய கரம் அதைச் செய்தது என்றும், இஸ்ரவேலின் பரிசுத்தர் அதைப் படைத்தார் என்றும், யாவரும் கண்டு உணர்ந்து சிந்தித்து அறிவார்கள்" (ஏசாயா 41:20). 

vegetable 6*4 JPEG Photo

திருப்தியாக்குவார்!

"நீடித்த நாட்களால் அவனைத் திருப்தியாக்கி, என் இரட்சிப்பை அவனுக்குக் காண்பிப்பேன்" (சங். 91:16).

இன்று உலகத்தார் நீண்ட ஆயுளை விரும்பி, விதவிதமான மருந்துகளையும், மாத்திரைகளையும் உட்கொள்ளுகிறார்கள். ஆனால் கர்த்தர் ஒருவரே கிருபையாய் நீண்ட ஆயுளைக் கட்டளையிடுகிறவர். "என்னாலே உன் நாட்கள் பெருகும்; உன் ஆயுசின் வருஷங்கள் விருத்தியாகும்" (நீதி. 9:11) என்று கர்த்தர் சொல்லுகிறார்.

ஒரு இளம் சகோதரி, தன் மூன்று சிறு சிறு குழந்தைகளை அணைத்துக்கொண்டு, நீண்டநேரம் அழுதுகொண்டேயிருந்தாள். காரணம், அவளுடைய கணவர் உடல் நிலை சரியில்லாமல், ஆஸ்பத்திரியில் சேர்க்கப்பட்டு மரித்துப்போய்விட்டார். அவள், தன் எதிர்காலத்தை எண்ணி கலங்கிக்கொண்டிருந்தாள். குடும்பத்துக்குச் செய்ய வேண்டிய கடமைகளைச் செய்ய முடியாமல், பொறுப்புகளை நிறைவேற்ற இயலாமல் மரித்துப் போவது, எவ்வளவு வேதனையான காரியம்.

ஒருவேளை நீங்கள் இன்றைக்கு பெலவீனத்தோடு, வியாதியோடு இருக்கலாம். உங்களைப் பார்க்கிற உலகத்தார், "உன் வியாதி கொடியது, நீ நிச்சயமாய் மரித்து விடுவாய்" என்று சொல்லலாம். ஆனாலும், நம்பிக்கையை இழந்துவிடாதிருங்கள். சங்கீதக்காரனைப் போல, "நான் சாவாமல், பிழைத்திருந்து, கர்த்தருடைய செய்கைகளை விவரிப்பேன்" (சங்.118:17) என்று விசுவாச அறிக்கை செய்யுங்கள். கர்த்தர் மனமிரங்கி, அற்புதத்தைச் செய்வார்.

"இரவில் உண்டாகும் பயங்கரத்துக்கும், பகலில் பறக்கும் அம்புக்கும், இருளில் நடமாடும் கொள்ளைநோய்க்கும், மத்தியானத்தில் பாழாக்கும் சங்காரத்துக்கும் பயப்படாதிருப்பாய். உன் பக்கத்தில் ஆயிரம்பேரும், உன் வலதுபுறத்தில் பதினாயிரம் பேரும் விழுந்தாலும், அது உன்னை அணுகாது" (சங். 91:5-7). "பகலிலே வெயிலாகிலும், இரவிலே நிலவாகிலும் உன்னைச் சேதப்படுத்துவதில்லை. கர்த்தர் உன்னை எல்லாத் தீங்குக்கும் விலக்கிக் காப்பார்; அவர் உன் ஆத்துமாவைக் காப்பார்" (சங். 121:7).

கர்த்தர் உங்களுடைய பெலவீனத்தை எற்றுக்கொண்டு, நோய்களையெல்லாம் சிலுவையிலே சுமந்துகொண்டார். நீங்கள் அதை மீண்டும் சுமந்துகொண்டிருக்க வேண்டியதில்லை. உங்களுடைய வியாதிகளையும், பெலவீனத்தையும் கர்த்தர் மேல் வைத்துவிடுவீர்களானால், அவருடைய தழும்புகளால் உங்களை குணமாக்குவார் (ஏசா. 53:5; 1 பேது. 2:24). நீங்கள் பயப்படுகிற எந்தக் காரியமும் உங்களுக்கு நேரிடப்போவதில்லை. கர்த்தர் உங்களுக்கு அடைக்கலமும், பெலனுமானவர். இன்றைக்கு இருக்கிற பெலவீனங்களும், நோய்களும் உங்களை விட்டு நீங்கிப்போகும். கிறிஸ்து உங்களுக்கு ஜீவனுண்டாயிருக்கவும், அது பரிபூரணப்படவும் வந்தவர் அல்லவா? (யோவா. 10:10).

தேவபிள்ளைகளே, கர்த்தர், மரணத்தின் அதிபதியான பிசாசை, தன் மரணத்தினால் அழித்தவர். அவரே, மரணத்துக்கும், பாதாளத்துக்குமுரிய திறவுகோல்களை உடையவர். மரித்தும், சதா காலங்களிலும் உயிரோடிருக்கிறவர். தேவபிள்ளைகளே, இன்றைக்கு கர்த்தர் உங்களுடைய பெலவீனங்களை நீக்கிப்போட்டு, சுகபெலன் ஆரோக்கியத்தைத் தந்தருளுவார்.

நினைவிற்கு :- "உன் தேவனாகிய கர்த்தரில் அன்புகூர்ந்து, அவர் சத்தத்திற்குச் செவி கொடுத்து, அவரைப் பற்றிக்கொள்வாயாக; அவரே உனக்கு ஜீவனும், தீர்க்காயுசுமானவர்" (உபா. 30:20). 

யோவான்

எலியா

1) பாடுள்ள மனுஷன் - யாக் 5:17,18

2) கர்த்தருக்கு முன்பாக நிற்கிறவன் - 1 இரா 17:1,2

3) கர்த்தருடைய வார்த்தைக்கு கீழ்படிகிறவன் - 1 இரா 17:5

4) ஜெபிக்கிற மனுஷன் (கருத்தாய்) - யாக் 5:7

5) தேவனால் போஷிக்கபட்டவன் (3 வேளை) - 1 இராஜ
17:6,16, 19:5-8

6) கர்த்தருடைய காரியங்களை தைரியமாக நடப்பித்தவன் - 1 இராஜ 18:19-36

7) மரணத்தை காணாதவன் - 2 இராஜ 2:11

“வாசிக்க சிறந்த புஸ்தகம் வேதம்”.

என் வேதத்தின் மகத்துவங்களை அவர்களுக்கு எழுதிக்கொடுத்தேன்; அவைகளை அந்நியகாரியமாக எண்ணினார்கள்.

• (ஓசியா 8:12).

ருமேனியாவில் கம்யூனிஸ்ட் மற்றும் நாஸ்தீகவாதிகளின் மத்தியில் மிகவும் வைராக்கியமாக ஊழியத்தை செய்து வந்தவர் ரிச்சர்ட் உம்மிராண்ட் என்ற தேவ மனிதர். ருமேனியாவில் ரஷ்ய எல்லை பகுதியில் அவர் ஊழியம் செய்து வந்த போது நடந்த சம்பவம் ஒன்றை காண்போம்.

அது ஒரு பனிக்காலம். பனியோடு மென்மையான சாரல் மழையும், கடுங்குளிரும் சேர்ந்து காணப்பட்டது. அந்நாட்களில் ரஷ்யாவிலிருந்து இருவர் அவரை காணும்படி வந்தனர். அவர்களை வரவேற்ற உம்மிராண்ட் அவர்கள் தன்னை பார்க்க வந்தததின் நோக்கத்தை எண்ணி சந்தோஷப்பட்டார். காரணம், அவர்கள் இருவரும் வேதாகமம் வேண்டும் என கேட்டே வந்திருந்தனா, ருமேனியாவை போல ரஷ்யாவிலும் கிறிஸ்தவர்கள துன்புறுத்தப்பட்டு வந்தனர். இதன் மத்தியிலும் அவர் இரண்டு வேதாகமங்களை அவர்களுக்கு கொடுத்தனுப்பினார். அவர்கள் அதை பெற்று கொண்டு சந்தோஷத்துடன் தங்கள் கிராமத்திற்கு திரும்பினர். இரண்டு வாரம் கழித்து அவர்களிடமிருந்து ஒரு நன்றி கடிதம் வந்தது. அக்கடிதத்தின் சில வரிகள் இதோ, 'அன்புள்ள ரிச்சசர்ட் உம்மிராண்ட் அவர்களுக்கு நாங்கள் சுகபத்திரமாக எங்கள் கிராமத்திற்கு வந்து சேர்ந்து விட்டோம். தாங்கள் கொடுத்த வேதாகமம் எங்களுக்கு மகிவும் பயனுள்ளதாக உள்ளது. அது மாத்திரமல்ல, நாங்கள் சொந்த வேதாகமத்தை வைத்திருப்பதை அறிந்த பக்கத்து கிராம கிறிஸ்தவர்கள் எங்களிடம் வந்து வேதத்தை வாங்கி வாசிக்கின்றனர். இப்படி அநேகர் வந்து கேட்டபடியால் நாங்கள் ஒரு முடிவுக்கு வந்தவர்களாய் தாங்கள் கொடுத்த இரு வேதாகமத்தையும் 32 பகுதிகளாக கிழித்து இப்போது 32 கிராமங்களிலுள்ள ரஷ்ய கிராம மக்கள் வாசித்து பயனடைகின்றனர்' என எழுதியிருந்தது. இதை வாசித்த உம்மிராண்ட் என்னும் வைராக்கியமாய் ருமேனியாவில் மட்டுமல்ல, ரஷ்யாவிலும் தேவ பணியினை சிறப்பாய் செய்து வந்தார்.

இந்நிகழ்ச்சியை தனது செய்தியில் எழுதிய உம்மிராண்ட தொடந்து கூறியதாவது, 'ஒரு முழு வேதாகமம் தங்களுக்கு கிடைக்காமல் ஏங்குகிற ருமேனியர்களும், ரஷ்யர்களும் மற்றும் அரபு நாட்டு கிறிஸ்தவர்களும் அநேகம் பேர் உண்டு. ஆனால் வேதத்தை கைகளில் வைத்திருந்தும் அதை வாசிக்காத கிறிஸ்தவர்களே நீங்கள் தேவனுடைய நியாய்த்தீர்ப்பில் எப்படி தப்பிக்க முடியும்? என்பதே நான் உஙகளுக்கு முன் வைக்கும் கேள்வி' என்று முடித்தார். அக்கேள்வி அவருடைய இருதயத்திலிருந்து வந்தது அல்ல, தேவனுடைய இருதயத்தின் கேள்வியே அது!

பிரியமானவர்களே, இவ்வுலகம் கிறிஸ்தவர்களாகிய நம்மை வேதக்காரர்கள் என்றே அழைக்கிறது. ஆனால் நம்மில் அநேகர் வேதத்தை வாசிக்காமல் வேஷக்காரர்க்களாகவே சுற்றி திரிகிறோம். அன்று அந்த ரஷ்யர்க்ள தங்கள் கைகளுக்கு வேதம் கிடைத்த அந்த அரை மணி நேரத்திலோ அல்லது அதிலும் குறைவான நேரத்திலோ எவ்வளவு கருத்தாய் கவனத்துடன், ஜெபத்துடன் வேதத்தை வாசித்திருப்பார்கள் என் ஒரு நிமிடம் யோசியுங்கள். நீங்கள் என்றாவது அப்படி வாசித்ததுண்டா? வேதத்தை நேரமெடுத்து தியானிப்பதற்கு எது தடையாக இருந்தாலும் அதை தூக்கி எறியுங்கள். கடமைக்காக மேலோட்டமாக வேதத்தை வாசிக்கும் முறைக்கு முற்றுப்புள்ளி வையுங்கள். நீதிமொழிகளில் மொத்தம் 31 அதிகாரங்கள் உண்டு. மாதத்தின் ஒவ்வொரு நாளும் ஒவ்வொரு அதிகாரம் வாசிக்கவும், புதிய ஏற்பாட்டில் ஒரு அதிகாரமும், பழைய ஏற்பாட்டில் ஒரு அதிகாரமும் தினமும் வாசிக்க தீர்மானியுங்கள். அந்த தீர்மானத்தை நிறைவேற்ற தேவன் கிருபை செய்வார். அப்படி வாசித்தீர்களானால், உங்கள் வாழ்க்கை முத்தாக மாறி விடும். கர்த்தர் அதிசயமாய் தம்முடைய வார்த்தைகள் மூலம் ஒவ்வொரு நாளும் உங்களை வழிநடத்துவதை காண்பீர்கள். மற்றும் கள்ள போதகர்கள் தவறாய் சொல்லி கொடுப்பதை எளிதாய் இனம் கண்டு கொள்வீர்கள். கவனமாய் உங்கள் கிறிஸ்தவ வாழ்க்கை வாழுவீர்கள்.

உம்மை வருத்தும் வழியில் நடந்தால்
என்னைத் திருத்த வேண்டும் தேவா
கருத்தோடு உமது வசனம்
கற்றுத் தந்து நடத்த வேண்டும்

மகிமை, மாட்சிமை மாவேந்தன் உமக்கே
துதியும் கனமும், தூயோனே உமக்கே

உம்மை நாடித் தேடும் மனிதர்
உம்மில் மகிழ்ந்து களிகூரட்டும்
உந்தன் மீட்பில் நாட்டம் கொள்வோர்
மன அமைதி இன்று பெறட்டும்

எங்களை அதிகமாய் நேசித்து வழிநடத்தும் எங்கள் நல்ல தகப்பனே, என் வேதத்தின் மகத்துவங்களை அவர்களுக்கு எழுதிக்கொடுத்தேன்; அவைகளை அந்நியகாரியமாக எண்ணினார்கள் என்று நீர் அங்கலாய்கிறக்கிற தேவனாக இருக்கிறீரே, நாங்கள் வேதத்தை அந்நிய காரியமாக நினைக்காதபடி, அதிலுள்ள பொக்கிஷங்களை ஆராய்ந்து பார்க்கிறவர்களாக எங்களை மாற்றும். வேதத்தை படித்து நாங்கள் ஒவ்வொருவரும் ஒவ்வொரு முத்துக்களாக திகழும்படி எங்களுக்கு கிருபை தாரும். வேதம் வாசிப்பது ஒரு சிலருக்கு மட்டும்தான் என்று நினைத்து, அதை தொடமால் இருந்த காலங்களை மன்னியும். தினமும் நேரமெடுத்து வேதத்தை வாசிக்க கிருபை செய்யும்.   எங்கள் ஜெபத்தை கேட்டு எங்களுக்கு பதில் கொடுப்பவரே உமக்கே நன்றி. இயேசு கிறிஸ்துவின் நாமத்தில் ஜெபிக்கிறோம் எங்கள் ஜீவனுள்ள நல்ல பிதாவே

ஆமென் அல்லேலூயா!.

அங்கலாய்ப்பு .....ஓர் குட்டிக் கதை

அன்பு வாசகர் அனைவருக்கும்,
அன்புடன் இனிய காலை வணக்கம் !!
இந்த நாள் உங்களுக்கு நல்ல நாளாய் அமைவதாக!!!
மனதை மாற்றும்  குட்டிக்கதையுடன் உங்களை  சந்திப்பதில் மகிழ்ச்சியடைகிறேன்.!!!

அங்கலாய்ப்பு .....
*******
ஒருவனுக்கு கிணறு  ஒன்று இருந்தது. .அதில் தண்ணீர் நிரம்பி இருந்தது. 

அவன் போதாத நேரம் இந்த தண்ணீா் நிறைந்த  கிணற்றை ஒரு விவசாயிக்கு விற்க்கும்படி  நேர்ந்தது. இந்த கிணற்றில்  பல ஊற்றுகண்கள் தண்ணீரை பெருக செய்து கொண்டிருந்தது. 

கிணற்றை விலைக்கு வாங்கிய விவசாயி மகிழ்ச்சியோடு த்ண்ணீா் இறைத்து  விவசாயம் பண்ணி மிகப் பெரிய அளவில் பணம் சம்பாதிக்கலாம் என்று அந்த கிணற்றுடன் தோட்டத்தையும் அதிக பணம் கொடுத்து  வாங்கினான்.

தண்ணீா் நல்ல ருசியுள்ள தண்ணீராக இருந்தபடியினாலும் எக்கசக்கமான தண்ணீா் வரத்து இருந்தபடியினாலும் விவசாயத்திற்கு மாத்திரமல்ல.  தண்ணீரையும் விற்று பணமாக்கலாம் என்ற யோசனையோடு கூட இருந்தான். 

கிணற்றை விலைக்கு வாங்கிய விவசாயி, அடுத்த நாள் கிணற்றிலிருந்து தண்ணீர் எடுக்க ஆவலுடன் கிணற்றுக்கு வந்தார்.

கிணற்றை விற்றவனுக்கு அங்கலாய்ப்பு ..அடுத்த நாள் காலையில்
கிணற்றையும் திட்டத்தையும் விற்றவன் அதை வாங்கிய  விவசாயி தோட்டத்தில் நின்று கொண்டிருந்தான்.

அவன்
விவசாயியைத் தண்ணீர் எடுக்க விடாமல் தடுத்தான்.

விவசாயிக்குக் கோபம் வந்தது.

“எனக்குக் கிணற்றை விற்று விட்டு அதிலிருந்து தண்ணீர் எடுக்க விடாமல் செய்கிறாயே? இது நியாயமா?” என்று விற்றவனைப் பார்த்துக் கோபத்துடன் கேட்டான்.

கிணறு விற்றவன், “நான் உனக்குக் கிணற்றையும் தோட்டத்தையும் தான் விற்றேன்.    கிணற்றிலிருக்கும் தண்ணீரை விற்கவில்லை.

எனவே நீ தண்ணீரை இங்கிருந்து எடுக்கக் கூடாது” என்று வாதம் செய்யத் தொடங்கினான்.

விவசாயி குழப்பத்துடனும் கோபத்துடனும் உள்ளூர் நீதிபதியிடம் சென்று முறையிட்டான்.

நீதிபதி
இருவரையும் அழைத்து இருவர் பக்கத்து நியாயத்தையும் விசாரித்தார்.

பின்னர் கிணற்றை விற்றவனிடம் “நீ கிணற்றை இந்த விவசாயிக்கு விற்றுவிட்டதால் கிணறு உன்னுடையதல்ல.

அதில் உனது தண்ணீரை இன்னமும் வைத்திருப்பது தவறு. உனக்கு அதில்தான் தண்ணீரைச் சேமித்து வைக்க வேண்டுமென்று விரும்பினால்,

விவசாயிக்கு அதற்கான வாடகையைத் தினமும் கொடுத்து விடு. இல்லையென்றால் கிணற்றிலிருந்து உனது தண்ணீரை எடுத்துக் கொண்டு உடனே வெளியேற வேண்டும்” என்று தீர்ப்புக் கூறினார்.

கிணறு விற்றவன், தனது தவறுக்கு மன்னிப்புக் கோரியதுடன் கிணற்றின் முழுப் பயனையும் விவசாயி அனுபவிக்கலாம் என்று சொல்லிவிட்டு, அங்கிருந்து சென்றான்.

என் அன்பு வாசகரே,
அங்கலாய்ப்பு யாரைதான் விட்டு வைத்தது.  அடுத்தவர்கள் நன்றாக இருக்க வேண்டும் என்ற எண்ணம் கிருபைக்குள் வாழ்கிறவா்களுக்கு மட்டும் தான் இருக்கும்.  ஏனென்றால்
அவர்கள்  கிருபையின் ஆவியினால் வழிநடத்தப்படுகிறாா்கள். 

இவர்கள் தனக்கானவைகளை மட்டுமல்ல  பிறருக்கானவைகளையும் நோக்குபவா்கள்  கிறிஸ்து இயேசுவிலிருந்த சிந்தையை  ஆவியானவா் அவா்களில்  வைத்துள்ளார். 

பைபிள் சொல்கிறது.
உத்தமனுடைய நீதி அவன் வழியைச் செம்மைப்படுத்தும்: துன்மார்க்கனோ தன் துன்மார்க்கத்தினால் விழுவான்.

மாயக்காரன் தனக்கு அடுத்தவனை வாயினால் கெடுக்கிறான்: நீதிமானோ அறிவினால் தப்புகிறான். மாறுபாடுள்ள இருதயமுள்ளவர்கள் கர்த்தருக்கு அருவருப்பானவர்கள்: உத்தம மார்க்கத்தாரோ அவருக்குப் பிரியமானவர்கள்.
வாரியிறைத்தும் விருத்தியடைவாரும் உண்டு, அதிகமாய் பிசினித்தனம் பண்ணியும் வறுமையடைவாரும் உண்டு.

உதாரகுணமுள்ள ஆத்துமா செழிக்கும்: எவன் தண்ணீர் பாய்ச்சுகிறானோ அவனுக்குத் தண்ணீர் பாய்ச்சப்படும்.
(நீதிமொழிகள் 11:5,9,20,24,25)

எனவே
கிருபையின்  ஆவியானவருக்குள் உங்களை ஒப்புவியுங்கள்.  அவா் உங்களை வேதத்தின்படி போதித்து  வழிநடத்தி  இயேசுவின் சுபாவத்தைக் கொடுத்து அதில் நிலைத்திருக்கச் செய்வாா். 

நல்ல சுபாவமுள்ளவா்களாய் கா்த்தருக்கு மகிமையான நீதியின் விருட்சங்களாய் இவ்வுலகத்தில்  கா்த்ருக்குச் சாட்சியாக  இருப்பீா்கள். 

நீங்கள் ஆசீா்வதிக்கப் பட்டவர்கள்!!!!

சத்துவத்தை தரும் ஞானம்

ஏசாயா 40:29
 சோர்ந்துபோகிறவனுக்கு அவர் பெலன் கொடுத்து, சத்துவமில்லாதவனுக்குச் சத்துவத்தைப் பெருகப்பண்ணுகிறார்.

   சர்வ வல்லமையுள்ள தேவன் சோர்ந்துபோகின்றவனுக்கு பெலனையும், சத்துவமில்லாதவனுக்கு சத்துவத்தை பெருகப்பண்ணுகின்றவர் என்று சத்திய வார்த்தைகள் கூறுகின்றது.

   நீதிமொழிகள் 30-ம் அதிகாரத்தில் பூமியிலே மகா ஞானமுள்ளவைகளான நான்கு ஜெந்துக்களை குறித்து எழுதியிருக்கின்றது. அதில் குழிமுசலும் ஒன்று. இது சத்துவமற்ற ஜெந்து ஆனாலும் கன்மலையில் தன் வீட்டை தோண்டி வைக்கின்றது. இதனால் தன் பாதுகாப்பை பெருக்கிகொண்டது. இது எப்படி சாத்தியம்? தேவன் அதற்கு ஞானத்தை கொடுத்தார் அதனால்தான் முடிந்தது. அதுபோல் நீங்கள் சத்துவமற்று காணப்படலாம். அப்படிப்பட்டவர்களுக்கு தேவன் ஞானத்தை கொடுத்து சத்துவத்தை பெருகப்பண்ணுவார். ஆமென்.

புதிய ஏற்பாட்டு கால பரிசுத்தம்

        நம் தேவன் பரிசுத்தத்தினை சிநேகிக்கின்றார் (மல்கி 2:11). பழைய ஏற்பாட்டு காலத்தில் உள்ள பரிசுத்தம் வேறு, புதிய ஏற்பாட்டு காலத்தில் உள்ள பரிசுத்தம் வேறு. பழைய ஏற்பாட்டு காலத்தில் மாம்சத்தை அடக்கி ஒடுக்கி பரிசுத்தமாக வாழ்வார்கள். ஆனால் ஆவியில் கறை காணப்படும். புதிய ஏற்பாட்டு காலத்தில் ஆவியில் கறை இருந்தும் மாம்சத்தை அடக்கி ஒடுக்கினாலும் அது பாவம்தான். ஆவியில் பரிசுத்தத்தினை பெற வேண்டுமென்றால் கர்த்தராகிய இயேசு கிறிஸ்துவின் நாமத்தினாலே, கர்த்தராகிய இயேசு கிறிஸ்துவின் இரத்தத்தினால் மாத்திரமே முடியும். நம்மிடத்தில் உள்ள பெலவீனங்களை ஒவ்வொரு நாளும் தேவ சமூகத்தில் அறிக்கை செய்து… அறிக்கை செய்து… ஜெயமெடுப்பதே புதிய ஏற்பாட்டு கால பரிசுத்தம்.

முதல் காரியத்திற்கு முதல் இடம்

முதலாவது (நீங்கள் அடைய வேண்டிய இலக்காக) தேவனுடைய இராஜ்யத்தையும் அவருடைய நீதியையும் (அவர் வழியில் சரியானதைச் செய்து சரியானபடி வாழ்வது) தேடுங்கள். அப்பொழுது இவைகளெல்லாம் உங்களுக்குகூடக் கொடுக்கப்படும்.

• (மத்தேயு 6:33).

தேவனை மட்டுமே நாடித் தேடிக்கொண்டிருக்க வேண்டியதற்குப் பதில் நாம் அநேக சந்தர்ப்பங்களில், நம் நேரத்தையெல்லாம் நம் பிரச்சனைகளுக்கான தீர்வுகளைத் தேடுவதிலேயே செலவிடுகிறோம்.

நம் தேவனை நாம் நாடித்தேடிக் கொண்டிருக்கும்போதெல்லாம், அவருடைய செட்டையின் மறைவில் பத்திரமாக இருக்கிறோம். “அவர் செட்டைகளின் கீழே அடைக்கலம் புகுவாய்” என சங்கீதம் 91:4 கூறுகிறது. ஆனால் நம்மை எதிர்கொள்ளும் எல்லா பிரச்சனைகளுக்கும், சூழ்நிலைகளுக்கும் விடைகளைத் தேட ஆரம்பித்தோமாயின், தேவனுடைய சித்தத்தைக் காட்டிலும் நம்முடைய விருப்பங்களை நிறைவேற்றவே முயல்வோமாயின், அவருடைய செட்டையின் மறைவுக்கு வெளியே வந்துவிடுகிறோம்.

அநேக ஆண்டுகள் நான் என் ஊழியத்தை மேம்படுத்துவதற்காகவே தேவனை நாடினேன். அதன் விளைவு? என் ஊழியம் அப்படியேதான் இருந்தது. அது வளரவே இல்லை. சில சமயம் பின்னோக்கியும் சென்றது. நான் விளங்கிக்கொள்ளாதது என்னவென்றால், நான் செய்ய வேண்டியதெல்லாம் தேவனுடைய ராஜ்யத்தைத் தேட வேண்டும்; அப்பொழுது அவர் வளர்ச்சியைக் கூடக் கொடுப்பார்.

உன் ஆவிக்குரிய வளர்ச்சியைக் குறித்து நீ கவலைப்பட வேண்டியது  அவசியமில்லை என்பதை நீ அறிவாயா? நீ செய்ய வேண்டியதெல்லாம் ராஜ்யத்தைத் தேட வேண்டியதுதான், அப்பொழுது நீ வளருவாய், தேவனைத் தேடி அவரை நாடு, அவரில் நிலைத்திரு. அப்பொழுது அவர் பெருக்கத்தையும், வளர்ச்சியையும் அனுமதிப்பார்.

ஒரு பச்சிளம் குழந்தை பாலைக்குடித்து வளர்கிறது. நீயும் நானும் செய்ய வேண்டியதெல்லாம் திருவசனமாகிய களங்கமில்லாத ஞானப்பலியின் மேல் வாஞ்சையாயிருக்க வேண்டியதுதான், அப்பொழுது நாம் வளருவோம் (1 பேதுரு 2:2 காண்க). மனித முயற்சியால் நாம் ஒருபோதும் மெய்யான வெற்றியை அனுபவிக்க முடியாது. அதற்குப் பதில் நாம் தேவனுடைய ராஜ்யத்தையும் அவருடைய நீதியையும் தேடவேண்டும். அப்பொழுது, நமக்குத் தேவையான மற்ற காரியங்களெல்லாம் நமக்குக் கொடுக்கப்படும்.

ஆமென் அல்லேலூயா!.

“கொஞ்சமாயினும்!”.

கொஞ்சமாய்ச் சேர்த்தவனுக்குக் குறைவானதுமில்லை.

• (2 கொரிந்தியர் 8:14).

வாழ்க்கையில் தாங்கள் சம்பாதித்த, சேர்த்த அளவுகளையே அநேகர் கவனிக்கின்றனர். ஆனால், அவைகள் எந்த அளவிற்குத் தங்களுக்கு திருப்தியையும், நிறைவையும் அளிக்கின்றன என்பதைச் சிந்தித்துப் பார்ப்பதில்லை. நாம் சேர்த்ததும், அடைந்ததும் கொஞ்சமாக இருந்தாலும், அந்த கொஞ்சம் தேவனுடைய நீதியின் பாதையிலும் தேவனுக்கேற்ற வழிகளிலும் வந்ததாக இருந்தால் அது ஒரு பெரிய திருப்தியைத் தரும். நாம் சேர்த்ததும் அடைந்ததும் மிகுதியாக இருந்தாலும் அவை உத்தமும், உண்மையும் சாராத வழிகளிலும் வந்ததாக இருந்தால், அவைகளிலே பெரிய நிறைவையும், திருப்தியையும் பெற முடியாது.

நம்மிடம் இருக்கின்ற கொஞ்சத்தை கர்த்தர் ஆசீர்வதித்துத் தந்தால் போதும். அது நமக்குப் போதுமானதாகவும் மனரம்மியம் அளிப்பதாகவும் இருக்கும். அரண்மனை போன்ற வீட்டில் வாழவும், ராஜ உணவு போன்ற்ச் உணவுகளை உண்ணவும், நேரத்திற்கு நேரம் வித விதமான நாகரீக உடைகளை அணியவும் வாய்ப்பு பெற்றிருக்கிற எத்தனையோ பேருடைய வாழ்க்கை கசப்பானதாகவும், அமைதியற்றதாகவும் தொடருகிறது. சிலர், எவ்வளவோ சம்பாதித்த பின்னும், அவைகளால் திருப்தி அடைய முடியவில்லையே.

காரணம் என்ன?தேவ ஆசீர்வாதம் அவர்கள் பெற்ற மிகுந்த நன்மைகள் மேல் இல்லை. தேவ உறவை பெற்றவன் குடிசையில் வாழ நேரிட்டாலும் அற்ப உணவுகளையே உண்ணும் நிலையிலிருந்தாலும், அவைகளால் திருப்தி கண்டவனாகவும், மன அமைதி உள்ளவனாகவும் இருப்பான். இதுதானே நமக்கு வேண்டும்.

அநேகர் தேவன் தங்களுக்கு எவ்வளவு தந்திருக்கிறார் என்பதின் அடிப்படையிலேயே ஆசீர்வாதத்தைக் கணக்கிடுகின்றனர். மிகுதியாகத் தங்களுக்கு இருந்தால் தேவன் தங்களை நன்கு ஆசீர்வதித்திருக்கிறார் என்றும், கொஞ்சமாக இருந்தால் தேவன் ஏன் தங்களை அற்பமான நிலையில் வைத்திருக்கிறார் எனவும் சிந்திக்கின்றனர். இந்தப் பார்வை சரியல்ல.

அளவுகளைப் பார்க்கக்கூடாது. அவைகளை தேவன் ஆசீர்வதித்திருக்கின்றாரா என்று பார்க்க வேண்டும். ஐந்து அப்பமும், இரண்டு மீனும் ஆயிரக்கணக்கானவர்களின் பசி நேரத்தில் ஒன்றுமில்லைதான். ஆனால், அவை இயேசுவின் கரத்தில் தரப்பட்டபோது அவை அனைவருக்கும் போதுமானவைகளாக மாறியது. சாரிபாத் விதவையிடம் இருந்தது கொஞ்ச மாவுதான். ஆனாலும், தேவன் அதனை ஆசீர்வதித்தார். எனவே, பஞ்சகாலம் முழுவதும் அவளுடைய குடும்பத்தில் குறைவு ஏற்படவில்லை.

இன்றைய சிந்தனைக்கு :

எதிர்பார்ப்பதெல்லாம் கிடைக்க வேண்டும் என்ற ஏக்கத்தினால் மனிதன் மனதில் எதிர்பாராத கஷ்டங்களை எதிர்கொள்கிறான்.

நம்முடைய கர்த்தராகிய இயேசு கிறிஸ்துவின் கிருபை நம் அனைவரோடும் கூட இருப்பதாக.

ஆமென் அல்லேலூயா!.

“உமது நாமம்!”.

‘உம்முடைய நாமம் பரிசுத்தப்படுவதாக”

• (மத்தேயு 6:9).

“கடவுள்” என்பது ஒரு பெயர் அல்ல; கடவுள் என்பது ஒரு உருவகச் சொல். அவர் எல்லாவற்றையும் கடந்து நிற்கிறவர்; அதே சமயம் நம்முள்ளேயும் வாசம் செய்கிறவர். இது அவருடைய ஆள்தத்துவம், மகிமை, மாட்சிமை, வல்லமை எல்லாவற்றையும் குறிக்கிறது.

காலத்திற்குக் காலம் தேவன் தமது கிரியைகளின் அடிப்படையில், தேவைகள் சூழ்நிலைகளின் அடிப்படையில், பலவித நாமங்களில், மனிதருக்கு தம்மை வெளிப்படுத்தினார். சிருஷ்டிப்பில் “தேவனாக” (ஆதி.1:), மனுஷருடன் இடைப்பட்டபோது “தேவனாகிய கர்த்தராக” நின்றார் (ஆதி. 2:3) “சர்வவல்லமையுள்ளவர்” என்னும் நாமத்தில் ஆபிரகாமுக்குத் தம்மை வெளிப்படுத்தினார். (ஆதி.17:1). மோசே, “உமது நாமத்தை எப்படிச் சொல்லுவேன்” என்று கேட்கிறான். அப்பொழுது கர்த்தர், ஆபிரகாம், ஈசாக்கு, யாக்கோபு என்னும் முற்பிதாக்களுக்கும் அறியப்படாத புதிய நாமத்தினால் தம்மை வெளிப்படுத்தினார். “இருக்கிறவராக இருக்கிறேன்” என்பதே அந்த மகிமையான நாமம் (யாத்.6:3). மனோவா, தன்னைச் சந்தித்த கர்த்தருடைய தூதனானவரை நோக்கி, “நாங்கள் உம்மைக் கனம்பண்ணும்படிக்கு உம்முடைய நாமம் என்ன” என்று கேட்டான். மனோவாவின் முன்னிலையில் அதிசயத்தை நிகழ்த்த இருந்த தூதனானவர், “அது அதிசயம்” என்கிறார். ஆம், நமது யெகோவா தேவன், எல்லாச் சந்தர்ப்பங்களிலும் நம்மை சந்திக்கிறவராகவே இருக்கிறார். இவரே “நான் சீக்கிரமாய் வருகிறேன்” என்றும் கூறியவர். இந்த பரிசுத்தமுள்ள தேவனை, “பிதாவே” என்று அழைக்கக் கிடைத்தது எத்தனை மாபெரும் பாக்கியம்.

ஒவ்வொரு நாமத்தையும் சொல்லிச்சொல்லி நாம் ஆண்டவரைப் போற்றித் துதிக்கும்போது, அந்த நாமத்தின் மகத்துவத்தை நாம் சுதந்தரித்துக் கொள்கிறோம் அல்லவா! “நீர் என்னைக் காண்கின்ற தேவன்” என்று ஆகார் தேவனுக்கு ஒரு பெயரிட்டாள். இந்த நாமத்தைச் சொல்லும்போது, “அவர் என்னைக் காண்கிறவர், அவருக்கு நான் மறைவாயில்லை” என்ற உணர்வு நமக்குள் எழுகிறது. இந்தப் பரிசுத்த நாமத்தை நாம் கனப்படுத்துகிறோமா? “உமது நாமம் பரிசுத்தப்படுவதாக” என்று ஜெபித்துவிட்டு, அந்த உன்னத நாமம் பரிசுத்த குலைச்சலாகும்படி நாம் நடப்பது எப்படி? கனத்துக்குரிய அந்த நாமத்திற்குரியவரை மற்றவர்கள் பரிகாசம் பண்ணும்படிக்கு நாம் வாழமுடியாது. அவர் துதியை சொல்லி வருவதற்கென்று சிருஷ்டிக்கப்பட்ட நாம், ஜெபிப்பதோடு நின்றுவிடாமல், மனுஷர் மத்தியில் தேவ நாமம் மகிமைப்படும்படிக்கு, கனப்படுத்தப்படும்படிக்கு நம் வாழ்வை அர்ப்பணிப்போமாக.

“உம்முடைய நாமத்தை என் சகோதரருக்கு அறிவித்து, சபை நடுவில் உம்மைத் துதிப்பேன்” (சங்கீதம்.22:22).

தேவனே, உம்முடைய பரிசுத்த நாமத்துக்குக் கனவீனமுண்டாக நான் நடவாதபடி, என்வழிகளை உமது கரத்தில் ஒப்புவிக்கிறேன். என்னை ஏற்றுக்கொள்ளும்.

ஆமென் அல்லேலூயா!.

“அவர் திரும்ப வருவார்!”.

நான் உங்களைத் திக்கற்றவர்களாக விடேன், உங்களிடத்தில் வருவேன்

• (யோவான்.4:18).

அவர் நம்மை விட்டுச் சென்றுள்ளார். ஆயினும் நம்மை அனாதைகளாக விடவில்லை. நம் ஆறுதலான அவர், நம்மை விட்டுச் சென்றுவிட்டார். ஆயினும் நம்மை ஆறுதல் அற்றவர்களாக விடவில்லை. அவர் நீண்ட காலமாகத் திரும்பி வராமல் இருந்தாலும் அவர் எப்படியும் மறுபடியும் வருவார் என்பதே நமக்கு ஊக்கம் அளிப்பதாகும். இயேசு கிறிஸ்து வந்து கொண்டிருக்கிறார். அவர் இதோ சீக்கிரமாய் வருகிறேன் என்கிறார். நம்மை நோக்கி வேகமாக வந்து கொண்டிருக்கிறார். நான் வருவேன் என்கிறார். யாரும் அவரைத் தடுக்கவாவது கால்மணிநேரம் தாமதப்படுத்தவாவது முடியாது. அவர் தனிப்பட்ட முறையில் நம்மிடம் நான் உங்களிடத்தில் வருவேன் என்கிறார். அவ்விதமே வருவார். அவர் தம் சொந்த மக்களுக்காக, அவர்களிடம் வருகிறார். மணவாளன் இன்னும் வரவில்லையே என்று ஏங்கிக் கொண்டிருப்பவர்களுக்கு இவை ஆறுதல் அளிக்கும் சொற்களாகும்.

அவர் நமக்கு மகிழ்ச்சி அளிக்க அவர் நம்மோடு இல்லையே என்னும் எண்ணம் ஏற்படும்போது ஏங்கித் தவிக்கிறோம். ஆனால் நாம் நம்பிக்கையற்றுத் துக்கப்படுவதில்லை. நம் ஆண்டவர் சிறிது கோபம் கொண்டு கொஞ்ச நேரம் நம்மைவிட்டு மறைந்திருப்பார். ஆனால் கருணையோடு திரும்ப வருவார். அவர் ஒருவிதத்தில்தான் நம்மை விட்டுப் போயிருக்கிறார். அவர் அவ்விதம் போகும்போது மறுபடியும் வருவதாகத்தான் வாக்குறுதியளித்துத்தான் போயிருக்கிறார். ஆண்டவரே சீக்கிரம் வாரும் நீர் இல்லாவிடில் இந்த உலகவாழ்க்கையில் உயிராற்றல் இல்லை. உம் இனிய முகமலர்ச்சியைக் காணவேண்டுமென்று பெருமூச்சுடன் ஏங்கிக் கொண்டிருக்கிறோம். நீர் எப்பொழுது எங்களிடம் வருவீர்? நீர் வருவீர் என்று திட்டமாய் நம்புகிறோம். மானைப்போலத் தீ விரித்து வாரும் எங்கள் கடவுளே, தாமதியாதேயும்.

ஆமென் அல்லேலூயா!.

எஸ்தர்

எஸ்தர்
மன்னர் அகஸ்வேர் சூசான் தலைநகரில் இருந்தார். தன் குறுநில மன்னர்கள், உயர் அதிகாரிகள்,பாரசீகத் தலைவர்கள் அனைவரையும் அழைத்து நூற்று எண்பது நாட்கள் விருந்து வைத்தார். பின்னர் ஒருவாரம் பொதுமக்களுக்கும் விருந்து வைத்தார்.

“அரசி வஸ்தியை அலங்காரம் செய்து அழைத்து வாருங்கள். மக்கள் அவள் எழிலைக் காணட்டும்” மன்னன் ஆணையிட்டான்.

வஸ்தி மறுத்தாள். அரசன் திகைத்தான்.

‘அரசே.. உமது கட்டளையை உமது மனைவி நிறைவேற்றாவிட்டால் நாட்டில் வாழும் எந்தப் பெண்ணுமே தங்கள் கணவர் பேச்சைக் கேட்க மாட்டார்கள். வஸ்தியை விலக்கிவிட்டு வேறொரு பெண்ணை மணமுடியுங்கள். நாட்டில் பெண்கள் எல்லாம் கணவனின் சொல்படி வாழவேண்டும் என கட்டளையிடுங்கள்” தலைவர்கள் சொல்ல, மன்னன் அப்படியே செய்தான்.

நாட்டில் உள்ள அனைத்து கன்னிப் பெண்களும் அரண்மனைக்கு வரவழைக்கப்பட்டார்கள். அவர்களில் ஒருத்தி எஸ்தர். எஸ்தர் ஒரு யூதப் பெண். அரண்மனையில் வேலை செய்யும் அவருடைய பெரியப்பா மகன் மொர்தக்காய் என்பவரிடம் வளர்ந்து வந்தாள்.

கன்னிப் பெண்கள் எல்லாரும் ஆறுமாதகாலம் வெள்ளைப் போளத்தாலும், ஆறு மாதகாலம் நறுமணப் பொருட்களாலும் என ஒரு வருடம் அழகுபடுத்தப் பட்டனர்.

அதன் பின் ஒவ்வொரு நாளும் ஒவ்வொருவராக மன்னரின் அந்தப்புரத்திற்குச் செல்வார்கள். மன்னருக்கு யாரைப் பிடித்திருக்கிறதோ அவர் அரசியாவார் என்பதே வழிமுறை. எஸ்தரின் முறை வந்தது. எஸ்தரை மன்னனுக்கு ரொம்பவே பிடித்துப் போய்விட்டது. எனவே அவரை மனைவியாக்கிக் கொண்டார்.

ஒருமுறை மன்னரைக் கொல்ல இரண்டு பேர் முயன்றனர். அதைக் கண்டுபிடித்த மொர்தக்காய் அந்த செய்தியை எஸ்தரிடம் சொன்னார். எஸ்தர் மன்னரிடம் சொன்னார். கொலைசெய்ய முயன்றவர்கள் தூக்கிலிடப்பட்டார்கள். “மன்னரின் உயிரைப் பாதுகாத்தார் மொர்தக்காய்” என அரண்மனைக் குறிப்பேட்டில் எழுதப்பட்டது.

அகஸ்வேர் மன்னன் தனது பணியாளர் ஆகாகியனான ஆமானை அனைத்து அதிகாரிகளுக்கும் மேலான பதவியில் வைத்தார். அவனுக்கு எல்லாரும் வணக்கம் செலுத்துவார்கள், மொர்தக்காயைத் தவிர !

மொர்தக்காய் யூதன் என்பது ஆமானுக்குத் தெரிய வந்தது. இப்போது அவனது எதிரி மொர்தக்காய் என்பது மட்டுமல்லாமல், யூதர்கள் என்றானது.

எனவே நாட்டிலுள்ள யூதர்களையெல்லாம் கொல்ல ஒரு நாள் குறித்து அதை அனைத்து மாநிலங்களின் தலைவர்களுக்கும் அனுப்பி வைத்தான். செய்தி மொர்தக்காய்க்குத் தெரிந்தது. அவர் ஆடைகளைக் கிழித்துக் கொண்டு கடவுளிடம் வேண்டினார்.

எஸ்தர் அரசியிடம் மொர்தக்காய் விஷயத்தைச் சொன்னார். எஸ்தர் கலங்கினார். ஆனாலும் மன்னர் அழைக்காமல் மன்னரின் முன்னால் செல்ல முடியாது என்பதால், யூத மக்கள் அனைவரையும் மூன்று நாள் நோன்பு இருந்து கடவுளிடம் மன்றாடச் சொன்னாள்.

மூன்று நாளுக்குப் பின் எஸ்தர் தைரியமாய் மன்னரின் முன்னால் சென்று நின்றாள்.

‘என்ன வேண்டும்’ மன்னர் கேட்டார்.

” நான் ஏற்பாடு செய்திருக்கும் விருந்துக்கு மன்னரும் ஆமானும் வரவேண்டும் அப்போது  விண்ணப்பத்தைச் சொல்வேன்” எஸ்தர் சொல்ல, மன்னர் ஒத்துக்கொண்டார்.

முதல் நாள் விருந்து முடிந்தது. அடுத்த நாளும் விருந்துக்கு வாருங்கள். என்ன வேண்டும் என்பதை நான் அப்போது சொல்வேன் என்றாள் எஸ்தர். விருந்து முடிந்து வெளியே போன ஆமானை மொர்த்தக்காய் எழுந்து நின்று மரியாதை செலுத்தவில்லை.

கோபத்தில் வீடு சென்ற அவனிடம், மனைவி ஒரு குரூர யோசனையைச்  சொன்னாள். அதன் படி மொர்தக்காயைத் தூக்கிலிட ஐம்பது அடி உயரத்தில் ஒரு தூக்கு மரத்தை ஆமான் தயாராக்கினான்.

அன்று இரவு மன்னர் தூக்கம் வராமல் குறிப்பேடு நூலை வாசிக்கத் துவங்கினார். அப்போது மொர்தக்காயின் பெயர் அவருடைய கண்களில் தட்டுப்பட்டது. தன் உயிரைக் காப்பாற்றிய மொர்தக்காய்க்கு மரியாதை செய்ய வேண்டும் என முடிவெடுத்தார். மன்னர் ஆமானை அழைத்தார்.

‘நான் ஒருவருக்கு மரியாதை செலுத்த வேண்டும். என்ன செய்யலாம்’

தன்னைத் தான் மரியாதை செலுத்தப் போகிறார் என நினைத்த ஆமான், ” கிரீடம் சூட்டி, மன்னரின் ஆடை உடுத்து, நகர்வலம் கொண்டு வரவேண்டும்” என்றார்.

‘அருமையான யோசனை. அதை மொர்த்தக்காய்க்குச் செய்”‘ என்றார் மன்னர். ஆமான் அதிர்ந்தான். வேறுவழியில்லாமல் அப்படியே செய்தான். மொர்த்தக்காயைப் பார்த்து எல்லோரும் பயப்பட ஆரம்பித்தனர்.

இரண்டாம் நாள் விருந்தில் களித்திருந்த மன்னர் எஸ்தரிடம், ‘இப்போது கேள் என்ன வேண்டும்’ என்று கேட்டார். எஸ்தர் தழுதழுக்கும் குரலில், ‘என்னையும் என் இனத்தையும் கொல்ல நினைக்கிறான் ஒருவன். எனக்கு உயிர்ப்பிச்சை அளியுங்கள்’ என்றாள்.

யாரது ? மன்னன் கோபத்தில் கத்தினார். “இதோ இந்த ஆமான் தான்” என்றாள் அரசி. ஆமான் திடுக்கிட்டான்.

மன்னனின் கோபம் ஆமான் மேல் திரும்பியது. ஆமானைக் கொல்ல‌ ஆணையிட்டார். மொர்தக்காய்க்காக  தயாராக்கி வைத்த தூக்கிலேயே அவன் தொங்கவிடப்பட்டான்.

எஸ்தரின் மூலம் யூத இனம் அழிவிலிருந்து தப்பியது.

ஆசீர்வாதமான மழை

"நான் அவர்களையும் என் மேட்டின் சுற்றுப்புறங்களையும் ஆசீர்வாதமாக்கி, ஏற்ற காலத்திலே மழையைப் பெய்யப்பண்ணுவேன்; ஆசீர்வாதமான மழை பெய்யும்" (எசேக். 34:26).

கர்த்தர் உங்கள் குடும்பத்தின் மீது, தொழிலின் மீது, பிள்ளைகளின் வாழ்க்கை மீது, வியாபாரத்தின் மீது, ஊழியத்தின் மீது ஆசீர்வாதமான மழையைப் பெய்யப் பண்ணுவார். கர்த்தர், ஆசீர்வாதமான மழையைப் பெய்யப்பண்ணும்போது, உங்களுக்குப் பலன் கிடைக்கும். வேதம் சொல்லுகிறது, "வெளியின் விருட்சங்கள் தங்கள் கனியைத்தரும், பூமி தன் பலனைக் கொடுக்கும், அவர்கள் தங்கள் தேசத்தில் சுக மாயிருப்பார்கள்" (எசேக். 34:27).

மழை பெய்வதால், அநேக இடங்களில் செழுமையும், பசுமையும் உண்டாகிறது. சில இடங்களில் சேதமும், நஷ்டமுமுண்டாகிறது. 2015-ம் ஆண்டு, தமிழகத்தில் வரலாறு காணாத மழை பெய்து அழிவையும், நஷ்டத்தையும் விளைவித்தது. ஆனால், கர்த்தர் ஆசீர்வாதமான மழையை பெய்யப்பண்ணும்போது, பூமி தன் பலனை மிகுதியாய்க் கொடுக்கும்.

பலனை, உங்களுக்கு யாராலும் தர முடியாது. நீங்கள் எவ்வளவு பிரயாசப்பட்டாலும், அதை வாய்க்கச் செய்கிறவர் கர்த்தர்தான். நீங்கள் ஒரு காரியத்தைச் செய்யும்போது, அதற்குரிய பலனை, உங்களுடைய சுயமுயற்சியினால் எடுக்க முடியாது. கர்த்தர்தான், அதற்குரிய பலனை உங்களுக்குத் தருகிறவர். சிலர், "நான் இரவு பகலாக வேலை செய்கிறேன், இரவு பகலாக தொழில் செய்கிறேன், என் பிள்ளைகள், இரவு பகலாகப் படிக்கிறார்கள். ஆனாலும், ஒரு பலனுமில்லையே" என்று சொல்லுவார்கள்.

ஆனால், நீங்கள் கர்த்தரை முன்வைத்து எந்தக் காரியத்தைச் செய்தாலும், கர்த்தர் நிச்சயமாகவே உங்களுக்குப் பலனளிப்பார். கர்த்தர் என்னென்ன காரியங்களில், உங்களுக்குப் பலன் தருவார்? உங்கள் கண்ணீருக்குப் பலன் தருவார். கிரியை களுக்குப் பலன் தருவார். கர்த்தரைத் தேடுகிறதிலும் பலன் தருவார். நீங்கள் உண்மையாய்க் கர்த்தரைத் தேடும்போது, கர்த்தர் எல்லாவற்றிலும் உங்களுக்குப் பலனைத் தந்தருளுவார். இன்றைக்கு கர்த்தர் உங்களைப் பார்த்து: "கண்ணீரோடு இருக்கிற உங்களுக்கு, ஆசீர்வாதமான மழையைப் பெய்யப்பண்ணுவேன். நீங்கள் ஆசீர்வாதமான பலனைக் காண்பீர்கள்" என்று சொல்லுகிறார்.

இரண்டாவது ஆசீர்வாதம், "சுகம்" என்னும் ஆசீர்வாதம். நீங்கள் பெலவீனத்தோடும், வியாதியோடும் இருக்கிறீர்களா? "என் கிருபை உனக்குப் போதும்; பலவீனத்திலே என் பலம் பூரணமாய் விளங்கும்" (2 கொரி. 12:9) என்று, கர்த்தர் சொல்லுகிறார். உங்கள் பெலவீனத்தின்மேல், கர்த்தர் ஆசீர்வாதமான மழையைப் பெய்யப் பண்ணுவார். அப்போது, நீங்கள் "சுகம்" என்னும் ஆசீர்வாதத்தைப் பெற்றுக் கொள்வீர்கள்.

ஆம்! தேவபிள்ளைகளே, ஆசீர்வாதமான மழை பெய்யும்போது, தேவன் செழிப்பைக் கட்டளையிடுவார். உங்களுடைய வறுமை நீங்கிப்போகும். வறட்சி நீங்கிப்போகும். பற்றாக்குறை, எல்லாமே மாறிப்போகும். கர்த்தர் உங்களுடைய வாழ்க்கையிலே, ஆசீர்வாதமான மழையைப் பெய்யப்பண்ணுவார். நீங்கள், உங்களுக்கும் மற்றவர்களுக்கும் ஆசீர்வாதமாக விளங்குவீர்கள்.

நினைவிற்கு :- "கர்த்தர் உன் களஞ்சியங்களிலும், நீ கையிடும் எல்லா வேலையிலும் உனக்கு ஆசீர்வாதம் கட்டளையிடுவார்" (உபா. 28:8).